Al Tahawi: Hadith 1761

١٧٦١: ابو سلمہ بن عبدالرحمن بیان کرتے ہیں کہ حضرت معاویہ بن ابی سفیان (رض) نے کثیر بن صلت کو منبر پر فرمایا تم حضرت عائشہ (رض) کی خدمت میں جاؤ اور ان سے عصر کے بعد ان دو رکعتوں کے متعلق پوچھو جو جناب رسول اللہ (صلی اللہ علیہ وآلہ وسلم) پڑھا کرتے تھے ابو سلمہ کا بیان ہے کہ میں بھی ان کے ساتھ چل دیا۔ حضرت ابن عباس (رض) نے عبداللہ بن الحارث کو کہا کہ تم بھی اس کے ساتھ جاؤ پس ہم ان کی خدمت میں پہنچے اور ان سے ان کے متعلق سوال کیا تو انھوں نے لاعلمی کا اظہار کرتے ہوئے فرمایا تم امّ سلمہ سے دریافت کرو۔ چنانچہ ہم نے ان سے دریافت کیا تو وہ کہنے لگیں جناب رسول اللہ (صلی اللہ علیہ وآلہ وسلم) میرے ہاں ایک دن تشریف لائے یہ عصر کے بعد کا وقت تھا آپ نے دو رکعت نماز ادا فرمائی میں نے کہا یارسول اللہ (صلی اللہ علیہ وآلہ وسلم) ! آپ یہ رکعتیں پہلے تو نہ پڑھتے تھے آپ نے فرمایا میرے پاس بنو تمیم کا وفد آگیا یا صدقہ آگیا پس انھوں نے ظہر کے بعد ان کے پڑھنے سے مجھے مشغول کردیا اور یہ وہ دونوں رکعتیں ہیں۔
تخریج : ابن ماجہ فی الاقامہ باب ١٠٧‘ نمبر ١١٥٩۔