Al Tahawi: Hadith 3891

٣٨٩١: کریب نے ابن عباس (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) اپنی عورتوں اور بوجھ کے متعلق مزدلفہ کی صبح کو حکم فرماتے کہ وہ اندھیرے میں فجر کے پہلے وقت میں روانہ ہوجائیں مگر رمی جمرہ صبح کے وقت کریں۔ اس روایت میں یہ ہے کہ جناب رسول اللہ (صلی اللہ علیہ وآلہ وسلم) نے ان کو فجر کی ابتداء میں لوٹنے اور صبح کے وقت رمی کا حکم فرمایا تھا۔ پس اس سے یہ دلالت مل گئی کہ کنکریاں مارنے کا یہ وقت طلوع فجر نہیں بلکہ صبح کا ابتدائی حصہ ہے جو صبح صادق کے بعد ہوتا ہے۔ روایت ذیل ملاحظہ ہو۔
حاصل روایات : اس روایت میں بتلا دیا کہ جناب رسول اللہ (صلی اللہ علیہ وآلہ وسلم) نے ان کو اول فجر کے وقت روانگی کی اجازت کے ساتھ رمی جمرہ میں صبح کی قید کا اضافہ فرما دیا۔ اس سے یہ بات ثابت ہوگئی کہ طلوع فجر کے جس پہلے وقت میں ان کو رمی کا حکم دیا اس کی ابتداء صبح ہے جو کہ فجر کے بعد ہوتی ہے۔