Al Tahawi: Hadith 4361

٤٣٦١: خالد بن معدان نے معاذ بن جبل (رض) سے نقل کیا جناب رسول اللہ (صلی اللہ علیہ وآلہ وسلم) ایک انصاری نوجوان کی شادی میں تشریف لے گئے جب اس کا نکاح کردیا تو آپ نے فرمایا الفت ‘ نیک فالی ‘ وسعت رزق میسر ہو۔ اللہ تعالیٰ تمہیں برکت دے اپنے دولھا کے پاس دف بجاؤ زیادہ دیر نہ گزری تھی کہ انصاری بچیاں آگئیں ان کے پاس تھال تھے جن میں اخروٹ ‘ شکر تھی لوگوں نے اپنے ہاتھ روک لیے تو جناب نبی اکرم (صلی اللہ علیہ وآلہ وسلم) نے فرمایا تم لوٹتے کیوں نہیں ؟ انھوں نے کہا یارسول اللہ (صلی اللہ علیہ وآلہ وسلم) ! آپ نے لوٹ سے منع فرمایا آپ نے فرمایا وہ لشکروں کی لوٹ ہے (جس کی ممانعت ہے) شادیوں کی لوٹ ممنوع نہیں۔ راوی کہتے ہیں کہ میں نے جناب رسول اللہ (صلی اللہ علیہ وآلہ وسلم) کو دیکھا آپ تھال لینے میں ان سے کھینچا تانی کر رہے تھے اور وہ آپ سے کھینچاتانی کرتے تھے۔
اختلاف متقدمین کا تذکرہ :
متقدمین کی ایک جماعت نے بھی اس میں اختلاف کیا ہے۔