Al Tahawi: Hadith 4531

٤٥٣١: ابو سلمہ کہتے ہیں کہ میں حضرت ابو سعید خدری (رض) کی خدمت میں آیا اور میں نے کہا کیا تم نے جناب نبی اکرم (صلی اللہ علیہ وآلہ وسلم) سے لیلۃ القدر کا تذکرہ سنا ہے ؟ انھوں نے کہا جی ہاں۔ ہم نے جناب رسول اللہ (صلی اللہ علیہ وآلہ وسلم) کے ساتھ رمضان المبارک درمیانے عشرہ کا اعتکاف کیا جب بیس کی صبح ہوئی۔ تو جناب رسول اللہ (صلی اللہ علیہ وآلہ وسلم) نے خطبہ دیا اور فرمایا۔ جو مسجد سے نکل چکے انھیں واپس لوٹ آنا چاہیے مجھے رات دکھایا گیا اور مجھے بھلا دیا گیا۔ میں نے اپنے آپ کو دیکھا کہ میں اپنی اور مٹی میں سجدہ کررہا ہوں۔ پس اس کو رمضان المبارک کے آخری عشرہ کی طاق راتوں میں تلاش کرو۔ اس روایت سے معلوم ہوتا ہے کہ لیلۃ القدر اس سال اکیسویں شب میں تھی۔ ممکن ہے یہ سال اس سال کے علاوہ ہے جو عبداللہ بن انیس (رض) کی روایت میں ہے کہ جس میں تئیسویں شب میں لیلۃ القدر تھی اور ان دونوں روایتوں کو اس طرح محمول کرنا زیادہ بہتر ہے تاکہ دونوں روایتوں کا باہم تضاد نہ ہو۔
ابو سعید (رض) کا بیان ہے ہم آسمان میں بادل کا ایک ٹکڑا بھی نہیں دیکھ رہے تھے۔ جب رات ہوئی تو پہاڑوں کی طرح بادل چھا گیا۔ پس بارش ہوگئی جس سے مسجد کی چھت ٹپک گئی اس وقت مسجد کی چھت کھجور کی شاخوں کی بنی ہوئی تھی یہاں تک کہ میں نے جناب رسول اللہ (صلی اللہ علیہ وآلہ وسلم) کو پانی اور مٹی میں سجدہ کرتے دیکھا اور گیلی مٹی کا نشان میں نے جناب رسول اللہ (صلی اللہ علیہ وآلہ وسلم) کی ناک پر پایا۔
تخریج : بخاری فی لیلۃ القدر باب ٢‘ ٣‘ الاعتکاف باب ١‘ مسلم فی الصیام روایت ٢١٣؍٢١٨‘ ابو داؤد فی رمضان باب ٣‘ نسائی فی السہو باب ٩٨‘ ابن ماجہ فی الصیام باب ٥٦‘ مالک فی الاعتکاف ٩‘ مسند احمد ٣؍٢٤‘ ٤٩٥۔
اس روایت سے معلوم ہوتا ہے کہ لیلۃ القدر اس سال اکیسویں شب میں تھی۔
جواب ممکن ہے یہ سال اس سال کے علاوہ ہے جو عبداللہ بن انیس (رض) کی روایت میں ہے کہ جس میں تئیسویں شب میں لیلۃ القدر تھی اور ان دونوں روایتوں کو اس طرح محمول کرنا زیادہ بہتر ہے تاکہ دونوں روایتوں کا باہم تضاد نہ ہو۔