Al Tahawi: Hadith 4877

٤٨٧٧: عروہ نے حضرت عائشہ (رض) سے روایت کی ہے کہ قریش نے مخزومی عورت کے معاملے کو بڑی اہمیت دی جس نے چوری کی تھی آپس میں کہنے لگے جناب رسول اللہ (صلی اللہ علیہ وآلہ وسلم) سے اس موقعہ پر گفتگو میں کون جرأت کرے گا پھر کہنے لگے اسامہ کے علاوہ اور کوئی جرأت نہیں کرسکتا پھر اس کی ہم معنی روایت نقل کی ہے۔ ان روایات سے ثابت ہوا کہ مستعار زیورات جن کا وہ انکار کردیتی تھی یہ چوری اس سے زائد تھی مستعار زیورات کو دبانا یہ خیانت ہے اس کے متعلق جناب رسول اللہ (صلی اللہ علیہ وآلہ وسلم) سے ہاتھ کاٹنے کی نفی منقول ہے۔ ملاحظہ ہو۔
تخریج : بخاری فی احادیث الانبیاء باب ٥٤‘ فضائل اصحاب النبی (صلی اللہ علیہ وآلہ وسلم) باب ١٨‘ والحدود باب ١٢‘ مسلم فی الحدود ٨؍٩‘ ابو داؤد فی الحدود باب ٤‘ نسائی فی السارق باب ٦‘ ابن ماجہ فی الحدود باب ٦‘ دارمی فی الحدود باب ٥۔
حاصل روایات : ان روایات سے ثابت ہوا کہ مستعار زیورات جن کا وہ انکار کردیتی تھی یہ چوری اس سے زائد تھی مستعار زیورات کو دبانا یہ خیانت ہے اس کے متعلق جناب رسول اللہ (صلی اللہ علیہ وآلہ وسلم) سے ہاتھ کاٹنے کی نفی منقول ہے۔ ملاحظہ ہو۔