Al Tahawi: Hadith 5105

٥١٠٤: حضرت ابو امامہ باہلی (رض) نے حضرت عبادہ بن صامت (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے حنین کے دن ایک اونٹ کی اون میں سے ایک بال لے کر فرمایا۔ اے لوگو ! شان یہ ہے کہ اللہ تعالیٰ نے تمہیں جو مال غنیمت دیا ہے اس میں سے میرے لیے صرف خمس (پانچواں حصہ) حلال ہے اس کے علاوہ کوئی چیز حلال نہیں اور خمس بھی تمہیں لوٹا دیا جاتا ہے۔ پس تم دھاگے اور سوئی تک ادا کر دو ۔ عبادہ (رض) کا بیان ہے کہ جناب رسول اللہ (صلی اللہ علیہ وآلہ وسلم) غنیمت کو (اپنے لئے) ناپسند فرماتے تھے۔ اس لیے فرمایا کہ طاقت ور مؤمنوں کو ضعیفوں پر لوٹا دینا چاہیے۔ اس ارشاد میں جناب رسول اللہ (صلی اللہ علیہ وآلہ وسلم) نے فرمایا جو مال غنیمت اللہ تعالیٰ نے تمہیں عنایت فرمایا اس میں سے صرف خمس میرے لیے حلال ہے۔ اس میں اس بات کی دلیل ہے کہ غنیمت میں خمس کے علاوہ بقیہ مجاہدین کے لیے ہے۔ اس میں امام کا حکم جاری نہ ہوگا۔ نیز اس میں یہ بھی موجود ہے۔ کہ جناب رسول اللہ (صلی اللہ علیہ وآلہ وسلم) نے مال غنیمت لینا ناپسند فرمایا اور یہ ارشاد فرمایا کہ مالدار مسلمان کمزوروں کی طرف لوٹا دیں مطلب یہ ہے کہ مسلمانوں کو جو مال غنیمت عنایت کیا گیا ہے۔ اس میں طاقت والوں کو طاقت کی وجہ سے کمزوروں پر ان کی کمزوری کی وجہ سے کوئی برتری حاصل نہیں بلکہ سب برابر ہیں اور یہ بات کسی طرح بھی قابل تسلیم نہیں کہ جناب رسول اللہ (صلی اللہ علیہ وآلہ وسلم) مال غنیمت کو ناپسند جاننے کے باوجود اس میں لے لیتے ہوں۔ پس آپ اسی مال سے لیتے تھے جو آپ کے لیے لینا مکروہ نہ تھا اور وہ مال غنیمت میں سے خمس تھا۔ اس روایت سے یہ ثابت ہوا کہ اس روایت میں حضرت عبادہ (رض) نے جس زائد مال غنیمت کا ذکر کیا ہے وہ خمس میں سے ہے نہ کہ اس کے علاوہ۔ فریق ثانی کے قول کی صحت کے لیے یہ روایت ابو عوانہ کافی ثبوت ہے۔
تخریج : ابن ماجہ فی الجہاد باب ٣٥‘ دارمی فی السیر باب ٤٤‘ مسند احمد ٥؍٣٢٤‘ ابو داؤد فی الجہاد باب ١٤٩‘ نسائی فی الفی باب ٦‘ مالک فی الجہاد ٢٢‘ مسند احمد ٥؍٣٣٠۔