Al Tahawi: Hadith 5132

٥١٣١: سالم نے حضرت ابن عمر (رض) سے روایت کی ہے کہ حضرت غیلان بن سلمہ (رض) نے اسلام قبول کیا اور ان کی اس وقت دس بیویاں تھیں جناب رسول اللہ (صلی اللہ علیہ وآلہ وسلم) نے اس کو فرمایا۔ ان میں سے چار کو رکھ لو۔ امام طحاوی (رح) فرماتے ہیں : ایک جماعت کا خیال یہ ہے کہ جب آدمی اسلام قبول کرلے اور اس کے پاس چار سے زائد بیویاں ہوں اور اس نے شرک کی حالت میں دارالحرب میں ان سے نکاح کیا ہو تو اسے ان میں سے چار کے چناؤ کا اختیار ہے کہ ان کو اپنے ہاں رکھے اور بقیہ کو جدا کر دے۔ اس میں کوئی فرق نہیں کہ ان سے اکٹھی شادی کی ہو یا الگ الگ عقد کیا ہو۔ یہ امام محمد (رح) کا بھی قول ہے۔ اگر ان سب سے ایک عقد سے نکاح کیا ہو تو تمام سے نکاح ٹوٹ جائے گا اور اس کے اور ان کے درمیان تفریق کردی جائے گی اور اگر الگ الگ عقد سے نکاح ہوا تو پہلی چار سے نکاح درست رہے گا۔ بقیہ سے تفریق کردی جائے گی اس قول کو امام ابوحنیفہ ‘ ابو یوسف (رح) اور دیگر علماء نے اختیار کیا ہے۔ اس روایت کو جس طرح عبدالاعلیٰ اور اس کے شاگردوں نے معمر (رح) سے جس طرح بیان کیا یہ اس طرح نہیں بلکہ اس کی اصل یہ ہے۔
تخریج : ترمذی فی النکاح باب ٣٣‘ ابن ماجہ فی النکاح باب ٤٠‘ مسند احمد ٢‘ ١٣؍١٤‘ ٤٤؍٨٣۔
امام طحاوی (رح) فرماتے ہیں : ایک جماعت کا خیال یہ ہے کہ جب آدمی اسلام قبول کرلے اور اس کے پاس چار سے زائد بیویاں ہوں اور اس نے شرک کی حالت میں دارالحرب میں ان سے نکاح کیا ہو تو اسے ان میں سے چار کے چناؤ کا اختیار ہے کہ ان کو اپنے ہاں رکھے اور بقیہ کو جدا کر دے۔ اس میں کوئی فرق نہیں کہ ان سے اکٹھی شادی کی ہو یا الگ الگ عقد کیا ہو۔ یہ امام محمد (رح) کا بھی قول ہے۔
فریق ثانی کا مؤقف : اگر ان سب سے ایک عقد سے نکاح کیا ہو تو تمام سے نکاح ٹوٹ جائے گا اور اس کے اور ان کے درمیان تفریق کردی جائے گی اور اگر الگ الگ عقد سے نکاح ہوا تو پہلی چار سے نکاح درست رہے گا۔ بقیہ سے تفریق کردی جائے گی اس قول کو امام ابوحنیفہ ‘ ابو یوسف (رح) اور دیگر علماء نے اختیار کیا ہے۔
فریق اوّل کی روایت کا جواب : اس روایت کو جس طرح عبدالاعلیٰ اور اس کے شاگردوں نے معمر (رح) سے بیان کیا یہ اس طرح نہیں بلکہ اس کی اصل یہ ہے۔