Al Tahawi: Hadith 5461

٥٤٦٠: ابو البختری سے مروی ہے کہ میں نے ابن عمر (رض) سے پھلوں میں بیع سلم کے بارے میں دریافت کیا تو انھوں نے کہا کہ حضرت عمر (رض) نے بر و صلاح سے قبل پھلوں کی بیع سے منع کیا ہے۔ حاصل آثار : ان آثار سے معلوم ہوتا ہے جن پھلوں کی فروخت سے منانعت کی گئی ہے وہ وہی ہیں جن میں صلاحیت ظاہر نہیں ہوئی اس کی حقیقت کیا ہے ؟ تو یہ وہ بیع ہے جو ان کے وجود میں آنے سے پہلے کی جائے۔ اس سے اس وقت تک کے لیے منع فرمایا یہاں تک کہ آفت سے محفوظ ہوجائیں جب محفوظ ہو جائیں تو ان میں بیع سلم جائز ہے۔ ذرا غور فرمائیں کہ جب ابوالبختری ابن عمر (رض) سے دریافت کیا کہ کیا کھجور میں بیع سلم درست ہے تو ان کا جواب یہ تھا کہ پھلوں کی بیع اس وقت درست ہے جب وہ کھائے جانے کے قابل ہوجائیں۔ آثار میں جس ممانعت کا تذکرہ ہے وہ پھلوں کی بیع پھل بننے سے پہلے کی ہے جناب رسول اللہ (صلی اللہ علیہ وآلہ وسلم) کا یہ ارشاد ملاحظہ ہو۔ اگر اللہ تعالیٰ پھلوں کو روک دے تو تم میں سے کون ہے پھر جو اپنے بھائی کا مال لے سکے گا۔ تو اب اس سے مراد ان پھلوں کی بیع سے ممانعت ہے جو ابھی تک پھل نہیں بنے۔ نیز ان آثار میں جس بیع سلم سے روکا گیا ہے وہ پھلوں کی بےوقت بیع سلم ہے۔ باقی درختوں پر ان پھلوں کی بیع جو ظاہر ہوچکے ہوں ہمارے ہاں جائز ہے۔ اس کی دلیل یہ روایات ہیں۔