Al Tahawi: Hadith 5631

٥٦٣٠: مجاہد مکی کہتے ہیں کہ ایک زرگر نے عبداللہ بن عمر (رض) سے سوال کیا میں (سونا ‘ چاندی) پگھلاتا ہوں پھر اس میں سے کچھ زیادہ وزن کے بدلے فروخت کرتا ہوں اور اپنے کام و محنت کی مقدار سے زائد لیتا ہوں جناب عبداللہ نے اس کو منع کیا۔ زرگر سوال دھراتا رہا اور آپ انکار فرماتے رہے۔ یہاں تک کہ ابن عمر (رض) مسجد کے دروازے یا اپنے سواری کے جانور تک پہنچ گئے عبداللہ نے اسے فرمایا ۔ دینار کے بدلے دینار۔ درہم بدلے درہم کے ان میں تفاضل جائز نہیں یہ جناب رسول اللہ (صلی اللہ علیہ وآلہ وسلم) نے ہم سے عہد لیا اور ہم تم سے عہد کر رہے ہیں۔
تخریج : مالک فی البیوع ٣١۔