Al Tahawi: Hadith 5714

٥٧١٣: ابوالزبیر نے جابر (رض) سے روایت کی ہے کہ حضرت بشیر (رض) کی ایک بیوی نے کہا میرے بیٹے کو اپنا غلام بطور عطیہ دے دو اور اس پر جناب رسول اللہ (صلی اللہ علیہ وآلہ وسلم) کو گواہ بنا لو۔ جابر (رض) کہتے ہیں کہ وہ جناب نبی اکرم (صلی اللہ علیہ وآلہ وسلم) کی خدمت میں آئے اور کہنے لگے یارسول اللہ (صلی اللہ علیہ وآلہ وسلم) فلاں کی بیٹی نے مجھ سے یہ مطالبہ کیا ہے کہ میں اس کے بیٹے کو اپنا غلام دے دوں اور وہ کہتی ہے کہ اس پر آپ کی گواہی ڈلواؤں۔ آپ نے فرمایا کیا اس کے اور بھائی ہیں اس نے کہا جی ہاں آپ نے فرمایا کیا تم نے سب کو عطیہ دیا ہے انھوں نے کہا نہیں آپ نے فرمایا یہ مناسب نہیں۔ میں تو خالص حق بات پر گواہ بنتا ہوں۔ یہ روایت بتلاتی ہے جناب نبی اکرم (صلی اللہ علیہ وآلہ وسلم) نے یہ بات بشیر کو فرمائی کہ ایسا مت کرو یہ بشیر کے عطیہ دینے سے پہلے کی بات ہے آپ نے اس میں اعلیٰ کی طرف اشارہ فرمایا اور یہ روایت نعمان سے مروی تمام روایات کے خلاف ہے کیونکہ ان روایات میں یہ ہے کہ آپ کی خدمت میں آنے سے پہلے عطیہ کردیا تھا اور ان کے الفاظ یہ تھے : ” انی نحلت “ جس نے فعل عطیہ کا ثبوت ملتا ہے اور روایت جابر (رض) سے معلوم ہوتا کہ بیوی کے سوال کے بعد آپ کی خدمت میں حاضر ہو کر مشورہ طلب کیا تو آپ نے بطریق مشورہ فرمایا اور جو کرنا مناسب تھا وہ بتلایا اگر وہ ترجیح دینا چاہتا ہو۔
تخریج : مسلم فی الہبات ١٩‘ مسند احمد ٣؍٣٢٦۔
روایت زہری عن روایت نعمان (رض) :
شعیب بن ابی حمزہ نے اس روایت کو زہری سے روایت جابر (رض) کی طرح نقل کیا ہے ملاحظہ ہو۔