Al Tahawi: Hadith 5804

٥٨٠٣: حنظلہ بن قیس زرقی کہتے ہیں کہ میں نے رافع (رض) کو فرماتے سنا کہ مدینہ منورہ میں ہماری زمینیں سب سے زیادہ تھیں اور ہم جن سے مخابرہ کرتے تو ان کو کہتے اس قطعہ زمین کی پیداوار تمہاری اور اس قطعہ زمین کی پیداوار ہماری تم اس میں ہمارے کاشت کرو۔ بعض اوقات اس قطعہ زمین کی پیداوار ہوتی اور دوسرے سے کچھ بھی حاصل نہ ہوتا اور بعض اوقات اس سے پیداوار نکلتی اور اس قطعہ میں سے کچھ پیداوار نہ ہوتی پس اس سے جناب رسول اللہ (صلی اللہ علیہ وآلہ وسلم) نے منع فرمایا۔ البتہ چاندی کے بدلے اس سے منع نہیں فرمایا۔
تخریج : اخرج بنحوہ بخاری فی الحرث باب ١٢۔