Al Tahawi: Hadith 5940

٥٩٣٩: سوید بن غفلہ کہتے ہیں کہ میں حج کے لیے روانہ ہوا تو میں نے ایک کوڑا پایا میں نے اسے لے لیا مجھے زید بن صوحان کہنے لگے اس کو رہنے دو ۔ میں نے کہا میں اس کو درندوں کا شکار نہ بناؤں گا میں اس کو ضرور لوں گا اور اس سے ضرور فائدہ اٹھاؤں گا۔ پھر میری ملاقات حضرت ابی بن کعب (رض) سے ہوئی تو میں نے ان کے سامنے اس کا تذکرہ کیا تو انھوں نے مجھے فرمایا تو نے اچھا کیا۔ میں نے جناب رسول اللہ (صلی اللہ علیہ وآلہ وسلم) کے زمانہ مبارک میں سو دینار کی ایک تھیلی پائی اور میں نے اس کو لے لیا پھر میں نے اس کا تذکرہ جناب رسول اللہ (صلی اللہ علیہ وآلہ وسلم) کی خدمت میں کیا تو آپ نے مجھے فرمایا۔ اس کو ایک سال تک مشہور کرو اگر اس کی پہچان والا مل جائے تو اس کے حوالے کر دو ورنہ اس سے فائدہ اٹھاؤ۔
تخریج : بخاری فی اللقطہ باب ١؍١٠‘ مسلم فی اللقطہ ٨‘ مسند احمد ٥‘ ١٢٦؍١٢٧۔