Al Tahawi: Hadith 5991

٥٩٨٩: عمرو بن شرحبیل نے بلال بن سعد سے انھوں نے اپنے والد سے نقل کیا کہ ہم نے عرض کیا یارسول اللہ (صلی اللہ علیہ وآلہ وسلم) ! آپ کی امت کے سب سے بہتر لوگ کون ہیں آپ نے فرمایا میں اور میرا زمانہ۔ راوی کہتے ہیں ہم نے عرض کیا پھر کون سا ؟ فرمایا دوسرا زمانہ پھر ہم نے کہا پھر کون سا ؟ فرمایا تیسرا زمانہ (تیسری صدی) راوی کہتے ہیں ہم نے کہا پھر کونسا ؟ آپ نے فرمایا : پھر ایسے لوگ آئیں گے جو گواہی دیں گے حالانکہ ان سے گواہی طلب نہ کی جائے گی اور وہ قسمیں اٹھائیں گے۔ حالانکہ ان سے قسم نہ اٹھوائی جائے گی اور وہ امین بنائے جائیں گے اور وہ امانتوں کو ادا نہ کریں گے۔ امام طحاوی (رح) کہتے ہیں اس روایت کی تاویل وہی ہے جو سابقہ آثار کی کرچکے۔ دوبارہ دہرانے کی ضرورت نہیں۔ ان روایات سے بھی استدلال کیا گیا۔