Al Tahawi: Hadith 6009

٦٠٠٧: سعید بن جبیر نے ابن عمر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے بنو عجلان کے دو آدمیوں کے درمیان تفریق کردی اور ان کو فرمایا کہ تمہارا حساب اللہ تعالیٰ پر ہے اللہ تعالیٰ جانتا ہے کہ تم میں سے ایک جھوٹا ہے۔ (اے مرد) تمہارا اس عورت پر کوئی حق نہیں۔ اس نے عرض کیا یارسول اللہ (صلی اللہ علیہ وآلہ وسلم) ! میرے اس مال کا کیا بنے گا جو میں نے بطور مہر ادا کیا آپ نے ارشاد فرمایا تمہارے لیے اس کے ذمہ اب کوئی مال نہیں۔ اگر تم نے اس کے متعلق سچ کہا تو وہ اس چیز کے بدلے میں ہے جو تم نے اس کی شرمگاہ کو اپنے حق میں حلال کیا اور اگر تو نے جھوٹ بولا ہے تو وہ تجھ سے بہت دور ہے۔
تخریج : بخاری فی الطلاق باب ٣٢؍٣٣‘ مسلم فی اللعان ٦؍٧‘ ابو داؤد فی الطلاق باب ٢٧‘ نسائی فی الطلاق باب ٤٣‘ مسند احمد ٢؍٤۔