Al Tahawi: Hadith 611

٦١١: سعید بن جبیر نے بیان کیا کہ ابن عباس (رض) کہتے ہیں کہ ایک مستحاضہ عورت آئی اور ان سے استحاضہ کے متعلق استفسار کیا تو انھوں نے فرمایا میرے علاوہ اور کسی سے پوچھو وہ عورت ابن عمر (رض) کی خدمت میں آئی اور ان سے سوال کیا تو انھوں نے فرمایا جب تک خون دیکھو نماز نہ پڑھو وہ ابن عباس (رض) کی طرف لوٹی تو انھوں نے فرمایا اللہ تعالیٰ ان پر رحم کرے قریب تھا کہ وہ تمہیں کفر (ترک صلوۃ) پر آمادہ کردیتے۔ سعید کہتے ہیں پھر میں نے علی (رض) سے سوال کیا تو انھوں نے فرمایا یہ شیطان کی ایڑی لگنے سے ہے یا پھر رحم کے زخم سے ہر دو نمازوں کے لیے غسل کر کے نماز پڑھ لیا کرو سعید کہتے ہیں پھر میں ابن عباس (رض) کو ملا تو انھوں نے فرمایا میں تیرے اس سوال کا وہی جواب پاتا ہوں جو علی (رض) نے کہا۔
تخریج : ابن ابی شیبہ ١؍١٢٠۔