Al Tahawi: Hadith 6331

٦٣٢٩: شعیب نے زہری سے پھر انھوں نے اپنی اسناد سے روایت بیان کی ہے۔ ان روایات سے جو ہم نے حضرت عمر (رض) سے نقل کی ہیں تھوڑے سخت نبیذ کی اباحت ثابت ہوئی حالانکہ انھوں نے بھی جناب رسول اللہ (صلی اللہ علیہ وآلہ وسلم) سے ” کل مسکر حرام “ کا ارشاد سن رکھا تھا آپ کا یہ فعل اس بات کی دلیل ہے کہ آپ نے شدید یا سخت نبیذ میں سے جس چیز کو حرام قرار دیا وہ نشہ ہی ہے نہ کہ کچھ اور۔ آپ نے یہ بات یا تو پھر آپ (صلی اللہ علیہ وآلہ وسلم) سے سنی ہوگی یا آپ کا اجتہاد ہے اگر آپ کا یہ اجتہاد ہے تو وہ بھی ہمارے نزدیک دلیل ہے خاص طور پر جبکہ آپ نے یہ فعل صحابہ کرام کے سامنے کیا اور کسی ایک نے بھی انکار نہیں کیا تو اس سے ان کا آپ کی متابعت کرنا ثابت ہوا یہ عبداللہ بن عمر (رض) ہیں جو کہ ” کل مسکر حرام “ کی روایت کو نقل کرنے والوں میں سے ہیں انھوں نے جناب نبی اکرم (صلی اللہ علیہ وآلہ وسلم) سے نقل کیا۔