Al Tahawi: Hadith 6639

٦٦٣٦: ابو صالح کہتے ہیں کہ حضرت ابوہریرہ (رض) نے روایت کی ہے کہ ایک شخص جناب رسول اللہ (صلی اللہ علیہ وآلہ وسلم) کی خدمت میں حاضر ہوا اس نے سونے کی انگوٹھی پہن رکھی تھی آپ نے اس سے اعراض فرمایا وہ چلا گیا اور اس نے لوہے کی انگوٹھی پہنی پھر آیا تو آپ نے توجہ نہ فرمائی وہ چلا گیا اور وہ انگوٹھی اتار دی اور چاندی کی انگوٹھی پہن لی جناب رسول اللہ (صلی اللہ علیہ وآلہ وسلم) نے اس انگوٹھی کو برقرار رکھا اور اس کی طرف توجہ فرمائی۔
حاصل : جناب نبی اکرم (صلی اللہ علیہ وآلہ وسلم) سے یہ آثار سونے کی انگوٹھی پہننے کی ممانعت میں وارد ہوئے ان میں سے ایک حضرت برائ (رض) کی روایت ہے جو کہ اباحت والی روایات سے زیادہ صحیح و ثابت ہے۔
احتمال : اب اس میں یہ احتمال ہے کہ فریق اول و ثانی کی روایات میں سے ایک ناسخ اور دوسری منسوخ ہوں اب اس پر غور کرتے ہیں۔