Al Tahawi: Hadith 6808

٦٨٠٥: مجاہد نے حضرت ابوہریرہ (رض) سے روایت کی ہے کہ جبرائیل (علیہ السلام) نے جناب رسول اللہ (صلی اللہ علیہ وآلہ وسلم) کے ہاں گھر میں آنے کی اجازت مانگی۔ آپ نے فرمایا داخل ہوجاؤ۔ تو انھوں نے کہا میں کس طرح داخل ہوں جبکہ آپ کے گھر میں پردہ ہے جس میں مورتیاں بنی ہیں۔ گھوڑے اور مردوں کی مورتیاں ہیں یا تو ان کے سر کاٹ ڈالیں یا اس کو بچھونا بنالیں بیشک ہم ملائکہ کی جماعت ایسے گھر میں داخل نہیں ہوتے جس میں مورتیاں ہوں۔ جب تماثیل کے سر کاٹ ڈالنے کے بعد اس کپڑے کا استعمال درست ہے تو وہ سر جو ذی روح سے کاٹ ڈالا جائے تو وہ ذی روح نہ رہے۔ اس سے یہ دلالت مل گئی کہ غیر ذی روح کی تصویر درست ہے اور بےروح اشیاء اس حکم سے خارج ہیں جس میں ممانعت وارد ہے۔ روایت عکرمہ بھی ملاحظہ کرلیں۔