Al Tahawi: Hadith 6809

٦٨٠٦: عکرمہ نے حضرت ابوہریرہ (رض) سے روایت کی ہے کہ تصویر اصل سر ہے جس کا سر نہ ہو وہ تصویر نہیں۔ یہ بات جبرائیل (علیہ السلام) کے قول میں موجود ہے جو آپ (صلی اللہ علیہ وآلہ وسلم) کو انھوں نے حدیث ابوہریرہ (رض) میں کہا ہے۔ ” اما ان تجعلہا بساطا واما ان تقطع رؤسہا “ اس سے یہ دلیل مل گئی کہ جس کپڑے میں ذی روح کی تصویر ہو اس کے استعمال کی ایک شکل ہے اور وہ بچھونا بنانا ہے۔ ابو طلحہ (رض) والی روایت میں ہے کہ ان کے گھر میں پردہ تھا جس میں تصاویر تھیں اور یہ ان کے ہاں اس میں داخل نہیں تھا جو انھوں نے جناب نبی اکرم (صلی اللہ علیہ وآلہ وسلم) نے سن رکھا تھا۔ ” لاتدخل الملائکہ بیتا فیہ صورۃ “ کیونکہ انھوں نے جناب نبی اکرم (صلی اللہ علیہ وآلہ وسلم) نے : ” الا ما کان رقما فی ثوب “ کا ارشاد سنا تھا۔ آپ نے جس پردے کا ذکر کیا وہ حضرت ابو طلحہ کا عمل ہے اور یہ ممکن ہے کہ جناب نبی اکرم (صلی اللہ علیہ وآلہ وسلم) اس بات پر ان کو مطلع نہ فرمایا ہو کہ پردہ بھی اس استثنائی حکم میں داخل ہے۔ جب یہ احتمال ہے اور مجاہد کی حضرت ابوہریرہ (رض) والی روایت جو بیان کی گئی تو اس سے معلوم ہوا بچھے ہوئے کپڑے بچھونے کا حکم رکھتے ہیں پہنے اور لٹکے ہوئے کپڑے اس طرح نہیں۔ یہ امام ابوحنیفہ ‘ ابو یوسف ‘ محمد رحمہم اللہ کا قول ہے۔