Al Tahawi: Hadith 7031

٧٠٢٨: ابن مرزوق کہتے ہیں کہ میرے خیال میں مطرف سے روایت ہے کہ مجھے عمران بن حصین (رض) نے فرمایا کیا تم نے محسوس کیا کہ مجھے سلام کیا جاتا تھا (فرشتے سلام کرتے تھے) جب سے داغ لگایا گیا تو وہ سلام مجھ سے منقطع ہوگیا۔ یہ اصحاب رسول اللہ (صلی اللہ علیہ وآلہ وسلم) ہیں انھوں نے خود داغا اور ان کو داغ لگوائے گئے۔ ان میں ابن عمر (رض) بھی شامل ہیں جنہوں نے یہ روایت نقل کی ہے ” مااحب ان اقتوی “ ان کا فعل اس روایت کے خلاف اس بات کا ثبوت ہے کہ کراہت کا حکم منسوخ ہوچکا۔ ان میں حضرت عمران بن حصین بھی ہیں جنہوں نے داغ نہ لگوانے والے لوگوں کی تعریف میں روایت نقل کی ہے ان کا عمل اس بات پر دلالت کرتا ہے کہ ان کو رسول اللہ (صلی اللہ علیہ وآلہ وسلم) کی طرف سے اباحت کا علم ہوا تبھی انھوں نے داغ لگوایا۔ بعض لوگوں کا کہنا ہے کہ حضرت عمران کی روایت سے نسخ ثابت نہیں ہوتا اس لیے کہ خود ان کی یہ دوسری روایت موجود ہے۔