Al Tahawi: Hadith 7033

٧٠٣٠: ام قیس بنت محصن کہتی ہیں میں رسول اللہ (صلی اللہ علیہ وآلہ وسلم) کی خدمت میں اپنے ایک بیٹے کو لے کرگئی جس کو میں نے تعویذ باندھا ہوا تھا آپ نے فرمایا تم اپنی اولاد سے ان تعویذوں کے سبب کیوں غفلت اختیار کرتی ہو تم عود ہندی استعمال کرو اس میں سات چیزوں کا علاج ہے پسلی کا درد اور حلق کے درد میں اس کو ناک میں ٹپکایا جائے اور پسلی کے درد میں منہ کے کنارے سے پلایا جائے۔ اس میں یہ احتمال ہے کہ تعویذ کا لٹکانا ذاتی اعتبار سے بھی برا ہو کیونکہ اس زمانے میں ایسی چیزیں اس میں لکھی جاتی تھیں جن کا لکھنا جائز نہیں اس لیے آپ نے اس کو ناپسند کیا اور کوئی وجہ نہ تھی جناب رسول اللہ (صلی اللہ علیہ وآلہ وسلم) سے اس سلسلے میں یہ روایت بھی وارد ہے۔
تخریج : بخاری فی الطب باب ٢١‘ مسلم فی السلام روایت ٨٦‘ ابو داؤد فی الطب باب ١٣‘ ابن ماجہ فی الطب باب ١٣‘ مسند احمد ٦؍٣٥٥۔