Al Tahawi: Hadith 7061

٧٠٥٨: عبدالرحمن بن سائب حضرت میمونہ کے بھتیجے روایت کرتے ہیں کہ حضرت میمونہ (رض) کہنے لگیں کیا میں تم کو وہ دم نہ کروں جو جناب رسول اللہ (صلی اللہ علیہ وآلہ وسلم) کرتے ہیں میں نے کہا کیوں نہیں۔ تو انھوں نے یہ دم پڑھا میں اللہ تعالیٰ کے نام سے تمہیں دم کرتا ہوں اللہ تعالیٰ ہر بیماری سے تمہیں شفا دے۔ اے لوگو کے رب ! تکلیف کو دور فرما۔ اور شفاء عنایت فرما آپ کے سوا کوئی شفا دینے والا نہیں۔ یہ اور اس قسم کے دم میں کوئی حرج نہیں اس پر عوف (رض) سے آپ کا ارشاد ” لابأس بالرقی “ بھی دلالت کررہا ہے جب تک کہ اس میں کوئی شرکیہ کلمہ نہ ہو۔ پس اس سے ثابت ہوگیا کہ ہر وہ دم جس میں شرکیہ کلمات نہ ہوں وہ مکروہ نہیں۔ واللہ اعلم۔
تخریج : بخاری فی الطب باب ٣٨‘ مسلم فی السلام ٤٠‘ ابو داؤد فی الطب باب ١٩‘ ترمذی فی الجنائز باب ٤‘ ابن ماجہ فی الطب باب ٣٦‘ مسند احمد ٦؍٣٣٢۔