Al Tahawi: Hadith 7150

٧١٤٧: مکحول کہتے ہیں کہ مجھے اس شخص نے بتلایا جس کو حضرت سعید بن العاص (رض) نے اصحاب رسول اللہ (صلی اللہ علیہ وآلہ وسلم) کی طرف بھیجا تھا ان میں سے چار اصحاب رسول اللہ (صلی اللہ علیہ وآلہ وسلم) نے آٹھ تکبیرات پر اتفاق کیا۔ اس سے مراد وہی روایت ہے جو ٧١٤٢ پر ذکر کی گئی ہے اور ان چار میں ابو موسیٰ اور حذیفہ (رض) بھی ہیں ان دونوں نے ابن مسعود (رض) کے فتوے کی تصدیق کی جو انھوں نے ولید بن عقبہ کو دیا تھا کہ افتتاح نماز کی تکبیر ان آٹھ سے الگ ہے پس اس سے یہ ثابت ہوگیا کہ اس روایت میں جن تکبیرات کا تذکرہ ہے اور اسی طرح جو زجانی کی روایت میں جن تکبیرات کا تذکرہ ہے وہ تکبیرات افتتاح کے علاوہ ہیں۔ یہ وہ روایات ہیں جو اصحاب رسول اللہ (صلی اللہ علیہ وآلہ وسلم) سے تکبیرات کے سلسلہ میں مروی ہیں۔ تابعین سے مختلف روایات مروی ہیں۔
روایات تابعین (رض) :
تابعین سے مختلف روایات مروی ہیں :