Al Tahawi: Hadith 716

٧١٦: حصین الجرانی نے ابو سعید سے انھوں نے حضرت ابوہریرہ (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا جو تم میں سے سرمہ لگائے وہ طاق کا لحاظ کرے جس نے طاق کا لحاظ کرلیا اس نے خوب کیا اور جس نے نہ کیا تو کوئی گناہ نہیں (اسی طرح) جو استنجاء کرے تو وہ طاق کا لحاظ رکھے جس نے ایسا کیا اس نے خوب کام کیا اور جس نے خلال کیا وہ دانتوں سے نکلی چیز کو پھینک دے اور جس نے زبان سے کوئی چیز چاٹ کر نکالی اسے نگل لے جس نے ایسا کیا اس نے خوب کیا اور جس نے نہ کیا تو اس پر بھی کچھ گناہ نہیں اور جو شخص پائخانہ کے لیے جائے تو وہ چھپ کر کرے اگر کوئی جگہ میسر نہ آئے ریت کا چھوٹا ٹیلہ بنا کر اس کی اوٹ لے لے اس لیے کہ شیطان بنی آدم کی شرمگاہوں سے کھیلتا اور مذاق اڑاتا ہے۔
تخریج : روایت ٧٠٣ کی تخریج ملاحظہ کریں۔ ابو داؤد ١؍٦۔