Al Tahawi: Hadith 7171

٧١٦٨: ابو حرزہ یعقوب نے عبادہ بن ولید بن حضرت عبادہ بن صامت (رض) سے روایت کی ہے کہ میں اپنے والد کے ساتھ نکلا تاکہ انصار سے علم حاصل کریں۔ اس سے پہلے کہ وہ دنیا سے رخصت ہوں۔ چنانچہ سب سے پہلے میری ملاقات حضرت ابوالیسر (رض) صحابی رسول اللہ (صلی اللہ علیہ وآلہ وسلم) سے اس وقت ہوئی جبکہ ان کا غلام ان کے ساتھ تھا اور انھوں نے ایک چادر اور معافری کپڑا زیب تن کر رکھا تھا اور ان کے غلام نے بھی ایک چادر اور معافری جوڑا زیب تن کر رکھا تھا راوی کہتے ہیں کہ میں نے ان سے کہا اے چچا ! اگر آپ اپنے غلام کی چادر لے لیتے اور اپنا معافری کپڑا اس کو دے دیتا اور اس کا معافری کپڑا لے لیتا اور اپنی چادر اس کو دے دیتے تو ایک قسم کا جو اڑا اس کا ہوجاتا اور ایک قسم کا جوڑا آپ کا بن جاتا۔ راوی کہتے ہیں کہ انھوں نے میرے سر پر پیار سے ہاتھ پھیرا اور فرمایا ” اللہم بارک فیہ “ اللہ تمہیں برکت دے۔ پھر فرمایا اے بھتیجے ! میری ان دو آنکھوں نے ملاحظہ کیا اور میرے ان دو کانوں نے سنا اور میرے سل نے اس کو جناب رسول اللہ (صلی اللہ علیہ وآلہ وسلم) سے محفوظ کیا۔ جبکہ آپ فرما رہے تھے ان غلاموں کو وہی کھلاؤ جو تم کھاتے ہو اور ان کو وہی پہنو جو تم پہنتے ہو۔ پس میرا اس کو سامان دنیا دے دینا اس سے بہتر ہے کہ وہ قیامت کے روز میری نیکیاں لے جائے۔
تخریج : بخاری فی العتق باب ١٥‘ مسلم فی الزھد ٧٤‘ والایمان ٣٨‘ ابن ماجہ فی الادب باب ١٠‘ مسند احمد ٤؍٣٦‘ ٥؍١٦٨‘ ١٧٣۔