Al Tahawi: Hadith 7172

٧١٦٩: معرور بن سوید کہتے ہیں کہ ہم حج وعمرہ کی غرض سے نکلے تو ہم نے حضرت ابو ذر (رض) کو مقام ربذہ میں پایا۔ انھوں نے ایک چادر اوڑھ رکھی تھی اور اسی طرح کی چادر ان کے غلام پر تھی۔ ہم نے ان سے درخواست کی اگر آپ اس چادر کو اپنی چادر سے ملا لیتے تو ایک جوڑا بن جاتا اور اس کے کپڑے دوسری چادر سے بن جاتے (یہ سن کر) ابو ذر (رض) کہنے لگے میں نے جناب رسول اللہ (صلی اللہ علیہ وآلہ وسلم) کو فرماتے سنا یہ تمہارے بھائی ہیں ان کو اللہ تعالیٰ نے تمہارا ماتحت بنادیا پس جس کے ماتحت اس کا بھائی ہو (غلام ہو) تو وہ اسے اسی کھانے سے کھلائے جو خود کھاتا ہے اور اس کو وہی پہنائے جو خود پہنتا ہے اور اس کو ایسے کام کی تکلیف نہ دے جو کام اس پر غالب آجائے اگر وہ کام اس کے ذمہ لگا ہی دے تو پھر اس کی اعانت کرے۔
تخریج : بخاری فی الادب باب ٤٤‘ مسلم فی الایمان ٣٩‘ ابو داؤد فی الادب باب ١٢٤‘ ترمذی فی البر باب ٢٩‘ مسند احمد ٥‘ ١٥٨؍١٦١۔