١١٢٢: خالد نے ابو قلابہ (رض) سے نقل کیا کہ عصر کا نام عصر رکھنے کی وجہ اس کا متاخر کرنا ہے۔
تخریج : مصنف ابن ابی شیبہ کتاب الصلاۃ ١؍٣٢٨۔
حاصل یہ ہے کہ ابو قلابہ (رض) نے بتلایا کہ اس کا نام رکھنے کی وجہ یہ ہے کہ اس کے راستے کو گویا نچوڑا جاتا ہے۔
اسی وجہ سے ہم نے بھی تاخیر عصر کو مستحب قرار دیا کہ اس کو متاخر کیا جائے مگر یہ یاد رہے کہ یہ اس وقت سے پہلے پہلے ہے جس میں سورج کی دھوپ زرد ہو کر بدل جاتی ہے یا اس میں زردی کا اثر پیدا ہو۔
یہی ہمارے ائمہ ثلاثہ ابوحنیفہ ‘ ابو یوسف ‘ محمد بن الحسن (رح) کا مذہب و مسلک ہے۔
آخری اشکال :
رافع بن خدیج (رض) کی روایت میں ہے کہ عصر پڑھ کر ہم اونٹ ذبح کر کے تقسیم کرتے اور اس کا گوشت سورج غروب ہونے سے پہلے کھالیتے تھے معلوم ہوا کہ عصر اول وقت میں پڑھی جاتی تھی۔
روایت رافع ملاحظہ ہو۔