١٩١٦: علی بن عبداللہ البارقی حضرت ابن عمر (رض) سے روایت کرتے ہیں کہتے ہیں کہ میرا خیال ہے کہ حضرت ابن عمر (رض) نے اس کو نبی اکرم (صلی اللہ علیہ وآلہ وسلم) کی طرف منسوب کیا اور کہا رات کی نماز اور دن کی نماز دو دو رکعت ہے۔ امام طحاوی (رح) فرماتے ہیں کہ بعض علماء نے ان روایات کو اختیار کرتے ہوئے کہا کہ سورج گرہن کی نماز دن کی نماز ہے ‘ اس لیے اس میں جہری قراءت نہ ہونی چاہیے۔ حضرت ابوحنیفہ (رح) کی میلان انہی کی طرف ہے۔ مگر علماء کی دوسری جماعت نے ان کی مخالفت کرتے ہوئے کہا کہ اس میں بلند آواز سے قراءت کی جائے۔ اس سلسلہ میں ان کی دلیل یہ ہے عین ممکن ہے کہ حضرت سمرہ اور ابن عباس (رض) نے دور ہونے کی وجہ سے جناب رسول اللہ (صلی اللہ علیہ وآلہ وسلم) کی قراءت نہ سنی ہو اور آپ نے بلند آواز سے قراءت کی ہو۔ پس یہ روایت جہر کی نفی نہیں کرتی جبکہ آپ سے اس نماز میں بلند آواز سے قراءت بھی روایات میں آئی ہے۔ روایات ملاحظہ ہو۔
تخریج : ابو داؤد فی التطوع باب ٢٤‘ نمبر ١٣٢٦‘ ترمذی فی الصلاۃ باب ١٦٦‘ نمبر ٥٩٧‘ ابن ماجہ فی الاقامہ باب ١١٦‘ نمبر ١٣٢٢‘ مالک فی صلوۃ اللیل نمبر ٧‘ مسند احمد ١؍٢‘ ٢١١؍٥‘ ٩‘ نسائئی فی السنن کتاب قیام اللیل نمبر ١٣٨٠۔
خلاصہ الزام :
نمبر 1: دن راتے نوافل دو دو رکعت مسنون و مشروع ہے یہ امام شافعی ‘ مالک ‘ احمد (رح) کا قول ہے۔
نمبر 2: امام ابوحنیفہ ‘ ابو یوسف ‘ محمد (رح) کے ہاں دن رات کے نوافل چار چار جائز بلکہ افضل ہیں۔
نمبر 3: امام ابوحنیفہ ‘ سفیان ثوری رات کے نوافل دو دو چار چار چھ بلکہ آٹھ آٹھ رکعتیں ایک تحریمہ سے جائز ہیں۔
نمبر 4: امام ابو یوسف و محمد و طحاوی (رح) رات کے نوافل ایک تحریمہ سے صرف دو دو مشروع ہیں زائد نہیں۔
فریق اوّل کا مؤقف اور دلائل : رات دن کے نوافل دو سے زائد مشروع نہیں۔