٣٠٢٠: نافع نے ابن عمر (رض) سے نقل کیا ہے کہ جناب رسول اللہ (صلی اللہ علیہ وآلہ وسلم) کے زمانے میں زمین ٹھیکہ پر دی جاتی تھی اس کا طریقہ یہ تھا کہ زمین کے مالک کو اتنی مقدار ملے گی جتنی کھیت کے پانی کے کنارے کے قریب ہے اور کچھ بھوسہ دیا جائے گا مجھے معلوم نہیں اس کی مقدار کیا تھی نافع کہتے ہیں کہ رافع بن خدیج آئے اور میں ان کے ساتھ تھا تو انھوں نے کہا جناب رسول اللہ (صلی اللہ علیہ وآلہ وسلم) نے یہود کو خیبر کی زمینیں اس شرط پر عنایت فرمائیں کہ وہ کام کریں گے اور کھیتی لگائیں گے اور کل پیداوار کا نصف مسلمانوں کو دیں گے خواہ غلہ ہو یا پھل اور جب تک مناسب ہوگا ہم تمہیں یہاں ٹھہرائیں گے پھر جناب رسول اللہ (صلی اللہ علیہ وآلہ وسلم) نے عبداللہ بن رواحہ کو اندازہ کرنے کے لیے مقرر فرمایا تو انھوں نے ان کے اندازے کی جناب رسول اللہ (صلی اللہ علیہ وآلہ وسلم) کی خدمت میں فریاد کی ؟ تو جناب عبداللہ نے فرمایا تمہیں اس میں اختیار ہے اگر چاہو تم لے لو اور اگر ہم چاہیں گے ہم لے لیں گے ہم اندازہ کریں گے اور اس کا نصف جو بنے گا وہ تمہیں ادا کردیں گے وہ کہنے لگے یہی وہ عدل و انصاف ہے جس کی وجہ سے آسمان و زمین قائم ہیں۔
تخریج : ابن ماجہ فی الزکوۃ باب ١٨‘ نمبر ١٨٢٠۔