٣٠٢١: ابوالزبیر نے جابر (رض) سے روایت کی ہے اللہ تعالیٰ نے مال فئی کے طور پر خیبر عنایت فرمایا جناب رسول اللہ (صلی اللہ علیہ وآلہ وسلم) نے ان کو ان زمینوں پر برقرار رکھا جیسا پہلے تھے اور اس پیداوار کو اپنے اور ان کے مابین بانٹ لیا پھر آپ نے عبداللہ بن رواحہ (رض) کو بھیجا انھوں نے اندازہ لگایا پھر فرمایا اے یہود ! تم میرے ہاں مخلوق میں مبغوض ترین لوگ ہو تم نے انبیاء (علیہم السلام) کو قتل کیا اور اللہ تعالیٰ پر جھوٹ باندھے مگر میرا بغض تمہارے متعلق مجھے اس بات پر آمادہ نہ کرے گا کہ میں پر ظلم کروں میں نے تمہارے متعلق اندازہ لگایا کہ کھجور کی مقدار بیس ہزار وسق ہوگی اگر تم چاہو تم لے لو اور اگر چاہو مجھے دے دو ۔