٣١٨٢: ابو مراوح اسلمی نقل کرتے ہیں کہ صحابی رسول حضرت حمزہ بن عمرو اسلمی (رض) نے خود سوال کیا یارسول اللہ (صلی اللہ علیہ وآلہ وسلم) میں ہمیشہ روزہ رکھتا ہوں اس لیے حالت سفر میں بھی روزہ رکھتا ہوں تو جناب رسول اللہ (صلی اللہ علیہ وآلہ وسلم) نے فرمایا سفر میں روزہ کے افطار کی بندوں کو رخصت ملی ہے جس نے اس کو قبول کرلیا تو بہت اچھا اور خوب ہے اور جس نے اس کو ترک کیا (روزہ رکھا) اس پر کوئی گناہ نہیں۔ پس جو کچھ ہم نے جناب رسول اللہ (صلی اللہ علیہ وآلہ وسلم) سے ذکر کیا کہ روزہ سفر میں افطار سے افضل ہے اور بلاشبہ افطار کی رخصت ہے۔
عروہ (رح) کا بیان ہے کہ حمزہ ہمیشہ سفر و حضر میں روزہ رکھتے اور ابو مراوح بھی اسی طرح روزہ رکھتے بلکہ خود عروہ بھی اسی طرح کرتے۔
تخریج : مسلم فی الصیام نمبر ١٠٧۔
اس روایت سے ثابت ہوا کہ روزہ سفر میں افطار سے افضل ہے اور افطار تو رخصت ہے۔
روایت عائشہ (رض) ملاحظہ ہو۔