٣٧٧٧: عبداللہ بن زبیر (رض) کہتے ہیں کہ حضرت عائشہ صدیقہ (رض) نے ارشاد فرمایا کہ جناب رسول اللہ (صلی اللہ علیہ وآلہ وسلم) نے ارشاد فرمایا۔ اگر تمہاری قوم نئی نئی مسلمان نہ ہوتی۔ تو میں کعبہ کو گرا کر اس کا دروازہ زمین سے چمٹا دیتا اور اس کے دو دروازے مشرقی اور مغربی جانب بنا دیتا اور چھ ہاتھ حصہ جو بیت اللہ سے چھوٹ گیا ہے وہ اس میں شامل کردیتا۔ جب قریش نے بیت اللہ کی تعمیر کی تو ان کے ہاں خرچہ کم ہوگیا۔
تخریج : بخاری فی الحج باب ٩٢‘ مسلم فی الحج ٤٠١‘ نسائی فی المناسک باب ١٢٥‘ دارمی فی المناسک باب ٤٤‘ مسند احمد ٦؍١٧٩‘ ٢٣٩۔