٤٤٤٦: حضرت نافع ابن عمر (رض) سے اللہ تعالیٰ کے قول : ” لاتخرجوہن من بیوتہن “ کے بارے میں روایت کرتے ہیں کہ اس کا گھر سے نکلنا فاحشہ مبینہ ہے۔ حالانکہ دوسروں نے فاحشہ مبینہ سے مراد یہ لیا ہے کہ وہ زنا کرے پس اس کو نکالا جائے تاکہ اس پر حد قائم کی جاسکے۔ اب جب تفسیر میں اس قدر اختلاف ہوا ہو تو آپ کو کس نے حق دیا ہے کہ اس آیت کے معنی میں ابن عباس (رض) کی روایت کو ثابت کریں اور اس کو اپنے مخالف کے خلاف بطور دلیل پیش کریں اور حضرت ابن عمر (رض) کی تفسیر کو ترک کردیں حالانکہ فاطمہ بنت قیس (رض) کی بیان کردہ روایت تو اس معنی کے خلاف ہے روایت ملاحظہ ہو۔