٥٠٩٤: ابن شہاب بیان کرتے ہیں کہ یزید بن ہرمز نے مجھے بیان کیا کہ یمامہ کے حکمران نجدہ نے ابن عباس (رض) کی طرف خط لکھا جس میں وہ ان سے ذوی القربیٰ کا حصہ دریافت کررہا تھا تو ابن عباس (رض) نے اس کی طرف لکھ بھیجا۔ کہ یہ حصہ ہمارے لیے ہے۔ حضرت عمر (رض) نے ہمیں بلایا تھا کہ وہ اس حصہ میں سے ہماری بیواؤں کا نکاح کردیں اور قرض داروں کا قرض اتار دیں۔ تو ہم نے انکار کردیا اور ہم نے کہا کہ ہم اس صورت میں لیں گے کہ آپ تمام حصہ ہمیں دے دیں اور ہمارا خیال یہی تھا کہ یہ ہمارے لیے ہے اور ہمارا حق ہے۔
تخریج : نسائی فی الفئی باب ١‘ مسند احمد ١؍٣٢٠۔