٥٣٣٠: ثابت بنانی نے عبداللہ بن رباح سے روایت ہے کہ ہم حضرت معاویہ (رض) کے پاس آئے اور اس وفد میں حضرت ابوہریرہ (رض) بھی تھے تو وہ کہنے لگے اے انصاریو ! کیا میں تمہارے متعلقہ روایات میں سے ایک روایت تمہیں نہ سناؤں۔ پھر انھوں نے فتح مکہ کا تذکرہ کیا اور بتلایا کہ جناب نبی اکرم (صلی اللہ علیہ وآلہ وسلم) نے جب مکہ میں داخلہ فرمایا تو وہ اس طرح تھا کہ حضرت زبیر بن العوام (رض) کو لشکر کے ایک حصہ پر اور خالد بن ولید (رض) کو لشکر کے دوسرے حصہ پر اور ابو عبیدہ (رض) کو پیدل دستے پر مقرر فرمایا۔ انھوں نے بطن وادی کا راستہ اختیار کیا۔ جبکہ جناب رسول اللہ (صلی اللہ علیہ وآلہ وسلم) لشکر کے ایک دستے پر تھے آپ کی نگاہ مجھ پر پڑی تو فرمایا۔ اے ابوہریرہ (رض) ! میں نے کہا اے اللہ کے نبی میں حاضر ہوں آپ نے فرمایا میرے لیے انصار کو بلا لاؤ اور صرف میرے انصار ہی میرے پاس آئیں۔ ابوہریرہ (رض) کہتے ہیں کہ ان کو آواز دی گئی جب وہ سب جمع ہوگئے قریش نے اپنے اوباشوں اور بدمعاشوں کو جمع کیا وہ کہنے لگے یہ لوگ آگے بڑھے ہیں اگر ان کو کامیابی مل گئی تو ہم ان کے ساتھ ہوجائیں گے اور اگر یہ لوگ مارے گئے تو ہم ان کو اتنا مال دیں گے جتنا وہ ہم سے مانگیں گے۔ جب انصار جناب رسول اللہ (صلی اللہ علیہ وآلہ وسلم) کے پاس جمع ہوگئے تو آپ نے فرمایا قریش کے اوباشوں اور چیلوں چانٹوں کو دیکھو پھر آپ نے ایک ہاتھ کو دوسرے پر رکھ کر فرمایا تم ان کو کھیتی کی طرح کاٹ ڈالو یہاں تک کہ صفا کے پاس مجھے آ ملو۔ پس انصار روانہ ہوئے۔ پس ہم میں سے جو بھی چاہتا جس کو قتل کرتا جاتا تھا۔ ان میں سے ایک بھی ہماری طرف متوجہ نہ ہوا ابو سفیان کہنے لگے یارسول اللہ (صلی اللہ علیہ وآلہ وسلم) ! قریش کے نوجوانوں کا خون مباح کردیا گیا۔ آج کے دن کے بعد قریش نہ رہیں گے۔ جناب نبی اکرم (صلی اللہ علیہ وآلہ وسلم) نے فرمایا جو اپنے گھر کا دروازہ بند کرے وہ امان میں ہے جو ابو سفیان کے گھر میں داخل ہوجائے وہ امن میں ہے۔ اس پر لوگوں نے اپنے گھروں کے دروازے بند کر لئے۔ جناب نبی اکرم (صلی اللہ علیہ وآلہ وسلم) چلتے ہوئے حجر اسود کے پاس پہنچے اور اس کا استلام فرمایا۔ پھر بیت اللہ کا طواف کیا پھر آپ بیت اللہ کے پہلو میں کھڑے ہوئے بت کے قریب آئے جس کی مشرک پوجا کرتے تھے اس وقت آپ کے دست اقدس میں کمان تھی اور اس کا سرا آپ پکڑنے والے تھے۔ جب آپ بت کے قریب پہنچے تو کمان کا سرا اس کی دونوں آنکھوں میں چبھونے لگے اور زبان مبارک پر یہ الفاظ تھے۔ جاء الحق وزہق الباطل ان الباطل کان زہوقا حق آگیا اور باطل بھاگ گیا بلاشبہ باطل بھاگنے والا ہے جب آپ طواف سے فارغ ہوئے تو صفا پر اس قدر بلند ہوئے کہ بیت اللہ نظر آنے لگا پھر آپ نے دونوں ہاتھ اٹھائے اور اللہ تعالیٰ کی تعریفیں بیان کر کے جو چاہا دعائیں فرمائیں اس وقت انصار پہاڑی کے نیچے تھے۔ بعض انصار ایک دوسرے کو کہنے لگے آپ کو قرابت کی رغبت اور خاندان کی مہربانی نے آلیا ہے۔ حضرت ابوہریرہ (رض) کہتے ہیں کہ آپ پر وحی کا نزول شروع ہوگیا جب آپ پر وحی آتی تھی تو ہم پر مخفی نہ رہتی تھی ہم میں سے کوئی آدمی اس وقت جناب رسول اللہ (صلی اللہ علیہ وآلہ وسلم) کی طرف سر اٹھا کر اس وقت تک نہ دیکھ سکتا تھا یہاں تک کہ وحی مکمل ہو۔ جناب نبی اکرم (صلی اللہ علیہ وآلہ وسلم) نے فرمایا اے گروہ انصار ! کیا تم نے بات کہی ہے اس آدمی کو تو اس کی قرابت داری کی رغبت اور قبیلہ پر مہربانی نے آلیا ہے ؟ انھوں نے جواب دیا شاید ایسا تذکرہ ہوا ہو۔ آپ نے ارشاد فرمایا۔ یقینی بات ہے بیشک میں اللہ تعالیٰ کا بندہ اور اس کا رسول ہوں میں نے اللہ تعالیٰ کے لیے اور تمہاری طرف ہجرت کی ہے۔ میری زندگی تمہاری زندگی کے ساتھ اور میری موت بھی تمہارے ساتھ ہے انصار رو رو کر کہہ رہے تھے اللہ کی قسم ! ہم نے یہ بات اور جو کچھ ہم نے کہا وہ اللہ اور اس کے رسول کے متعلق بخل کرتے ہوئے کہا۔ آپ نے ارشاد فرمایا اللہ تعالیٰ اور اس کا رسول تمہاری تصدیق کرنے والے اور تمہارے عذر کو قبول کرنے والے ہیں۔ (یہ حضرت ابوہریرہ (رض) بتلا رہے ہیں کہ قریش نے اس وقت جبکہ رسول اللہ (صلی اللہ علیہ وآلہ وسلم) مکہ میں داخل ہوئے اپنے اوباشوں اور پیروکاروں کو ابھارا اور کہنے لگے یہ لوگ آئے ہیں اگر ان کو کامیابی ہوگئی تو ہم ان کے ساتھ ہوجائیں گے اور اگر یہ ہلاک ہوئے تو ہم ان کو وہ انعام دیں گے جو یہ طلب کریں گے جناب رسول اللہ (صلی اللہ علیہ وآلہ وسلم) کو (وحی سے) اس کی اطلاع مل گئی تو آپ نے انصار کو کہا کہ تم قریش کے اوباشوں سے پیروکاروں کا خیال کرو اور آپ نے ایک ہاتھ دوسرے پر مار کر فرمایا نا کو کھیتی کی طرح کاٹ ڈالو یہاں تک صفا کے پاس تم مجھ سے مل جاؤ۔ پس ہم میں سے جو جس کو چاہتا قتل کررہا تھا ان میں سے کسی ایک نے بھی ہمارا سامنا نہ کیا کہ وہ اس سے امان میں داخل ہوتے پھر جناب رسول اللہ (صلی اللہ علیہ وآلہ وسلم) نے (ابو سفیان کی درخواست) ان پر احسان و درگزر فرمایا۔ اس روایت میں سلیمان بن مغیرہ والی روایت سے کچھ اضافہ روایت یہ ہے یہ روایات قاسم بن سلام کی ہے۔ )
تخریج : مسلم فی الجہاد ٨٤؍٨٥‘ ٨٦‘ مسند احمد ٢؍٥٣٨۔
یہ حضرت ابوہریرہ (رض) بتلا رہے ہیں کہ قریش نے اس وقت جبکہ رسول اللہ (صلی اللہ علیہ وآلہ وسلم) مکہ میں داخل ہوئے اپنے اوباشوں اور پیروکاروں کو ابھارا اور کہنے لگے یہ لوگ آئے ہیں اگر ان کو کامیابی ہوگئی تو ہم ان کے ساتھ ہوجائیں گے اور اگر یہ ہلاک ہوئے تو ہم ان کو وہ انعام دیں گے جو یہ طلب کریں گے جناب رسول اللہ (صلی اللہ علیہ وآلہ وسلم) کو (وحی سے) اس کی اطلاع مل گئی تو آپ نے انصار کو کہا کہ تم قریش کے اوباشوں سے پیروکاروں کا خیال کرو اور آپ نے ایک ہاتھ دوسرے پر مار کر فرمایا کہ ان کو کھیتی کی طرح کاٹ ڈالو یہاں تک صفا کے پاس تم مجھ سے مل جاؤ۔ پس ہم میں سے جو جس کو چاہتا قتل کررہا تھا ان میں سے کسی ایک نے بھی ہمارا سامنا نہ کیا کہ وہ اس سے امان میں داخل ہوتے پھر جناب رسول اللہ (صلی اللہ علیہ وآلہ وسلم) نے (ابو سفیان کی درخواست پر) ان پر احسان و درگزر فرمایا۔
اس روایت میں سلیمان بن مغیرہ والی روایت سے کچھ اضافہ ہے ‘ روایت قاسم بن سلام کی ہے۔