٧٢٢٣: محمد بن عبدالرحمن انصاری بیان کرتے ہیں کہ جب حضرت عمر بن عبدالعزیز (رح) خلیفہ بنے تو انھوں نے مدینہ منورہ میں پیغام بھیجا وہ جناب رسول اللہ (صلی اللہ علیہ وآلہ وسلم) کا وہ خط تلاش کر رہے تھے جو آپ (صلی اللہ علیہ وآلہ وسلم) نے عمرو بن حزم کو صدقات کے سلسلہ میں لکھا اور حضرت عمر (رض) کا خط۔ چنانچہ حضرت عمرو بن حزم کے نام خط کو ان کی اولاد میں اور حضرت عمر (رض) کے خط کو ان کی اولاد کے ہاں پا لیا جو جناب رسول اللہ (صلی اللہ علیہ وآلہ وسلم) کے صدقات والے مکتوب گرامی کی طرح تھا پھر وہ دونوں نقل کئے گئے حبیب بن ابی حبیب کہتے ہیں کہ مجھ سے حضرت عمرو (رض) نے بیان کیا کہ انھوں نے محمد بن عبدالرحمن کی آل کو بلایا تاکہ جو کچھ ان دونوں تحریروں میں ہے اسے لکھ دیں چنانچہ انھوں نے جو کچھ ان تحریروں میں تھا اس کو لکھ دیا تو اس خط میں یہ تھا۔ ٩٠ اونٹوں پر ایک کا اضافہ ہو تو دو حقے تین سال کا اونٹ پھر جب ١٢٠ تک ہوجائیں تو یہی حکم ہے جب اس سے زائد ہوں تو نو تک کچھ نہیں پھر ١٣٠ ہوجائیں تو دو بنت لبون اور ایک حقہ کہ ١٣٩ تک یہی حکم ہے ١٤٠ ہوجائیں تو دو حقے اور ایک بنت لبون۔ ١٤٩ تک یہی حکم ہے۔ ١٥٠ ہوجائیں تو تین حقے لازم ہوں گے پھر فریضہ اسی طرح جاری رہے گا (کہ دس کے اضافہ سے بنت لبون سے حقہ کی طرف لوٹتے رہیں گے) یہاں تک کہ ان کی تعداد تین سو تک پہنچ جائے جب تین سو ہوجائے تو پھر ہر پچاس پر ایک حقہ اور ہر چالیس پر ایک بنت لبون۔ امام طحاوی (رح) کہتے ہیں کہ بعض لوگوں نے اس روایت کو اختیار کیا ہے۔ فریق ثانی کا مؤقف ہے کہ جب ١٢٠ سے زائد ہوجائیں تو ہر پچاس میں ایک حقہ ہے اور ہر چالیس میں بنت لبون۔ اور اس کی وضاحت اس طرح ہے کہ اگر ایک سو بیس پر ایک اونٹ کا اضافہ ہوجائے تو اس سے ایک بیس سو والے حکم کی بجائے دوسرا حکم لگے گا۔ پس ہر چالیس پر ایک بنت لبون پھر یہ اسی طرح چلائیں گے یہاں تک کہ اضافہ ایک سو تیس تک پہنچے۔ اس میں ایک حقہ اور دو بنت لبون ہوں گے پھر اسی طرح رہے گا یہاں تک کہ اضافہ ایک سو چالیس تک پہنچے پھر جب ایک سو چالیس ہوجائیں تو اس میں دو حقے اور ایک بنت لبون اور یہ ایک سو پچاس تک اسی طرح ہوگا۔ جب گنتی ایک سو پچاس ہوجائے گی تو اس میں تین حقے ہوں گے پھر اضافے میں فریضہ کو ہمیشہ اسی طرح چلاتے جائیں گے۔ انھوں نے ان آثار کو دلیل بنایا۔
تخریج : بخاری فی الزکوۃ باب ٣٨‘ ابو داؤد فی الزکوۃ باب ٥؍٨‘ نسائی فی الزکوۃ باب ٥؍١٠‘ مالک فی الزکوۃ روایت ٢٣‘ مسند احمد ١؍١٢۔
امام طحاوی (رض) کہتے ہیں : کہ بعض لوگوں نے اس روایت کو اختیار کیا ہے۔
فریق ثانی کا مؤقف : جب ١٢٠ سے زائد ہوجائیں تو ہر پچاس میں ایک حقہ ہے اور ہر چالیس میں بنت لبون۔ اور اس کی وضاحت اس طرح ہے کہ اگر ایک سو بیس پر ایک اونٹ کا اضافہ ہوجائے تو اس سے ایک بیس سو والے حکم کی بجائے دوسرا حکم لگے گا۔ پس ہر چالیس پر ایک بنت لبون پھر یہ اسی طرح چلائیں گے یہاں تک کہ اضافہ ایک سو تیس تک پہنچے۔ اس میں ایک حقہ اور دو بنت لبون ہوں گے پھر اسی طرح رہے گا یہاں تک کہ اضافہ ایک سو چالیس تک پہنچے پھر جب ایک سو چالیس ہوجائیں تو اس میں دو حقے اور ایک بنت لبون اور یہ ایک سو پچاس تک اسی طرح ہوگا۔ جب گنتی ایک سو پچاس ہوجائے گی تو اس میں تین حقے ہوں گے پھر اضافے میں فریضہ کو ہمیشہ اسی طرح چلاتے جائیں گے۔ انھوں نے ان آثار کو دلیل بنایا۔
خلاصہ الزام :
اول : چالیس سے پچاس بن جانے کی صورت میں دس پر فریضہ بدلتا جائے گا تاآنکہ تین سو ہوجائیں پھر فریضہ لوٹے گا۔
ثانی : ایک سو بیس پر فریضہ چالیس سے پچاس کی صورت میں بدلتا رہے گا۔
فریق ثالث کے ہاں ١٢٠ پر فریضہ لوٹایا جائے گا پانچ سے شروع ہوں گے یہ احناف ائمہ کرام (رض) کا قول ہے۔