٩٤٨: ایوب نے نافع سے اور انھوں نے ابن عمر (رض) سے نقل کیا ہے کہ حضرت ابن عمر (رض) کو صفیہ بنت ابی عبید (رض) کی بیماری کی اطلاع ملی جبکہ وہ مکہ میں تھے وہ مدینہ کی طرف روانہ ہوئے غروب آفتاب تک چلتے رہے یہاں تک کہ ستارے ظاہر ہوگئے اور جو آدمی ان کے ساتھ تھا وہ الصلاۃ الصلاۃ پکار رہا تھا اور راوی کہتے ہیں سالم نے ان کو کہا الصلاۃ تو کہنے لگے جب جناب رسول اللہ (صلی اللہ علیہ وآلہ وسلم) کو سفر میں جلدی ہوتی تو مغرب و عشاء ان دو نمازوں کو جمع فرماتے اور میں بھی دونوں کو جمع کرنا چاہتا ہوں چنانچہ وہ چلتے گئے یہاں تک کہ شفق غائب ہوگیا پھر اترے اور ان دونوں کو جمع کیا۔
تخریج : ابو داؤد ١؍١٧٠‘ ترمذی ١؍١٢٤۔