٩٥٧: طاؤس نے ابن عباس (رض) سے نقل کیا ہے کسی نماز کو فوت نہ ہونے دو (مؤخر نہ کرو) کہ دوسری کا وقت آجائے۔ ابن عباس (رض) نے یہ بتلایا کہ دوسری نماز کا وقت آجانے سے پہلی نماز فوت ہوجاتی ہے اس سے یہ بات ثابت ہوگئی کہ دو نمازوں کا جمع کرنا جو رسول اللہ (صلی اللہ علیہ وآلہ وسلم) کے متعلق ان کے علم میں تھا وہ اس صورت سے مختلف تھا کہ ایک کو دوسری کے وقت میں پڑھا جائے۔ حضرت ابوہریرہ (رض) کا قول بھی اسی طرح کے ‘ اس کو ملاحظہ کریں۔
حاصل روایات : اس روایت میں ابن عباس (رض) نے ایک کو اس قدر مؤخر کرنا کہ دوسری کا وقت آجائے اس کو فوت صلوۃ سے تعبیر فرمایا پس اس سے ثابت ہوتا ہے کہ انھوں نے جمع بین الصلاتین کی جو روایات نقل کی ہیں وہ ایک دوسری کے وقت میں نہ تھیں بلکہ اپنے اپنے وقت میں جمع صوری تھی۔
ایک نئی دلیل ملاحظہ ہو :
یہ حضرت ابوہریرہ (رض) جن کی روایت جمع بین الصلاتین کے سلسلے میں گزری ان کا فتویٰ بھی ابن عباس (رض) کی طرح ہے۔