جابر (رض) کہتے ہیں کہ ایک شخص جمعہ کے دن (مسجد میں) آیا اور نبی اکرم ﷺ خطبہ دے رہے تھے، تو آپ نے فرمایا : اے فلاں ! کیا تم نے نماز پڑھ لی ہے ؟ ، اس نے کہا : نہیں، آپ ﷺ نے فرمایا : تو اٹھ کر نماز پڑھو ١ ؎۔ تخریج دارالدعوہ : صحیح البخاری/التھجد ٢٥ (١١٦٦) ، والجمعة ٣٢ (٩٣٠) ، ٣٣ (٩٣١) ، صحیح مسلم/الجمعة ١٤ (٨٧٥) ، سنن الترمذی/الصلاة ٢٥٠ (الجمعة ١٥) (٥١٠) ، سنن النسائی/الجمعة ١٦ (١٣٩٦) ، (تحفة الأشراف : ٢٥١١) ، وقد أخرجہ : سنن ابن ماجہ/إقامة الصلاة ٨٧ (١١١٣) ، مسند احمد (٣/٢٩٧، ٣٠٨، ٣٦٩) ، سنن الدارمی/الصلاة ٩٦ (١٤٠٦) (صحیح ) وضاحت : ١ ؎ : یہ سلیک غطفانی تھے جیسا کہ اگلی روایت میں اس کی تصریح آئی ہے، اس حدیث سے معلوم ہوا کہ اگر کوئی امام کے خطبہ دینے کی حالت میں مسجد میں آئے تو وہ دو رکعت تحیۃ المسجد پڑھ کر بیٹھے۔