ابن ابی رافع کہتے ہیں ابوہریرہ (رض) نے نماز جمعہ پڑھائی تو (پہلی رکعت میں) سورة الجمعہ اور دوسری میں إذا جاءک المنافقون پڑھی، ابن ابی رافع کہتے ہیں کہ ابوہریرہ نماز سے فارغ ہوئے تو میں ان سے ملا اور کہا کہ آپ نے (نماز جمعہ میں) ایسی دو سورتیں پڑھی ہیں جنہیں علی (رض) کوفہ میں پڑھا کرتے تھے۔ اس پر ابوہریرہ نے کہا : میں نے رسول اللہ ﷺ کو جمعہ کے دن انہی دونوں سورتوں کو پڑھتے ہوئے سنا ہے۔ تخریج دارالدعوہ : صحیح مسلم/الجمعة ١٦ (٨٧٧) ، سنن الترمذی/الصلاة ٢٥٧ (الجمعة ٢٢) (٥١٩) ، سنن ابن ماجہ/إقامة الصلاة ٩٠ (١١١٨) ، (تحفة الأشراف : ١٤١٠٤) ، وقد أخرجہ : مسند احمد (٢/٤٢٩) (صحیح )