ابوہریرہ (رض) کہتے ہیں رسول اللہ ﷺ نے فرمایا (محمد بن صباح کی روایت میں ہے) جو شخص جمعہ کے بعد پڑھنا چاہے تو وہ چار رکعتیں پڑھے، اور راوی نے پوری حدیث بیان کی۔ اور احمد بن یونس کی روایت میں یہ ہے کہ جب تم نماز جمعہ پڑھ چکو تو اس کے بعد چار رکعتیں پڑھو۔ سہیل کہتے ہیں : میرے والد ابوصالح نے مجھ سے کہا : میرے بیٹے ! اگر تم نے مسجد میں دو رکعت پڑھ لی ہے پھر گھر آئے ہو تو (گھر پر) دو رکعت اور پڑھو۔ تخریج دارالدعوہ : تفرد بہ أبو داود، (تحفة الأشراف : ١٢٥٩٠، ١٢٦٥٤) ، وقد أخرجہ : صحیح مسلم/الجمعة ١٨ (٨٨١) ، سنن الترمذی/الجمعة ٢٤ (٥٢٣) ، سنن ابن ماجہ/إقامة الصلاة ٩٥ (١١٣٠) ، مسند احمد (٢/٢٤٩، ٤٤٢، ٤٩٩) ، سنن الدارمی/الصلاة ٢٠٧ (١٦١٥) (صحیح )