عبداللہ بن عمر (رض) کہتے ہیں کہ (ایک روز) میں (کسی ضرورت سے) گھر کی چھت پر چڑھا تو میں نے رسول اللہ ﷺ کو قضائے حاجت (پیشاب و پاخانہ) کے لیے دو اینٹوں پر اس طرح بیٹھے دیکھا کہ آپ ﷺ کا رخ بیت المقدس کی طرف تھا ١ ؎۔ تخریج دارالدعوہ : صحیح البخاری/الوضوء ١٢ (١٤٥) ، ١٤ (١٤٩) ، صحیح مسلم/الطھارة ١٧ (٢٦٦) ، سنن الترمذی/الطھارة ٧ (١١) ، سنن النسائی/الطھارة ٢٢ (٢٣) ، سنن ابن ماجہ/الطھارة ١٨ (٣٢٢) ، (تحفة الأشراف : ٨٥٥٢) ، وقد أخرجہ : موطا امام مالک/القبلة ٢ (٣) ، مسند احمد (٢/١٢، ١٣) ، سنن الدارمی/الطھارة ٨ (٦٩٤) (صحیح ) وضاحت : ١ ؎ : مدینہ منورہ سے بیت المقدس اتر کی طرف واقع ہے۔