انس بن مالک (رض) کہتے ہیں کہ میں نے رسول اللہ ﷺ کے ساتھ مدینے میں ظہر چار رکعت پڑھی اور ذو الحلیفہ میں عصر دو رکعت ١ ؎۔ تخریج دارالدعوہ : صحیح البخاری/تقصیر الصلاة ٥ (١٠٨٩) ، والحج ٢٤ (١٥٤٦) ، ٢٥ (١٥٤٨) ، ١١٩ (١٧١٤) ، والجہاد ١٠٤ (٢٩٥١) ، صحیح مسلم/المسافرین ١ (٦٩٠) ، سنن الترمذی/الصلاة ٢٧٤ (٥٤٦) ، سنن النسائی/الصلاة ١١ (٤٧٠) ، (تحفة الأشراف : ١٦٦، ١٥٧٣) ، وقد أخرجہ : مسند احمد (٣/ ١١٠، ١١١، ١٧٧، ١٨٦، ٢٣٧، ٢٦٨) ، سنن الدارمی/الصلاة ١٧٩ (١٥٤٨) ، ویأتي في الحج برقم ١٧٧٣) (صحیح ) وضاحت : ١ ؎ : اس سے معلوم ہوا کہ مسافر جب شہر کی آبادی سے باہر نکل جائے تو اس کے لئے قصر کرنا جائز ہوجاتا ہے، ذوالحلیفہ مدینہ سے (مکہ کے راستے میں) تیرہ کیلو میٹر کی دوری پر ہے ، جو اہل مدینہ کی میقات ہے ، اس وقت یہ ” ابیار علی “ سے بھی مشہور ہے۔