عبداللہ بن عباس (رض) کہتے ہیں کہ میرے پاس کئی پسندیدہ لوگوں نے گواہی دی ہے، جن میں عمر بن خطاب (رض) بھی تھے اور میرے نزدیک عمران میں سب سے پسندیدہ شخص تھے کہ رسول اللہ ﷺ نے فرمایا : فجر کے بعد سورج نکلنے سے پہلے کوئی نماز نہیں، اور نہ عصر کے بعد سورج ڈوبنے سے پہلے کوئی نماز ہے ۔ تخریج دارالدعوہ : صحیح البخاری/المواقیت ٣٠ (٥٨١) ، صحیح مسلم/المسافرین ٥١ (٨٢٦) ، سنن الترمذی/الصلاة ٢٠ (١٨٣) ، سنن النسائی/المواقیت ٣٢ (٥٦٣) ، سنن ابن ماجہ/إقامة الصلاة ١٤٧ (١٢٥٠) ، (تحفة الأشراف : ١٠٤٩٢) ، وقد أخرجہ : مسند احمد (١/ ١٨، ٢٠، ٢١، ٣٩) ، سنن الدارمی/الصلاة ١٤٢ (١٤٧٣) (صحیح )