نعمان بن بشیر (رض) کہتے ہیں کہ نبی اکرم ﷺ نے فرمایا : دعا عبادت ہے ١ ؎، تمہارا رب فرماتا ہے : مجھ سے دعا کرو، میں تمہاری دعا قبول کروں گا (سورۃ غافر : ٦٠) ۔ تخریج دارالدعوہ : سنن الترمذی/تفسیر البقرة ٣ (٢٩٦٩) ، تفسیر المؤمن ٤١ (٣٢٤٧) ، الدعوات ١ (٣٣٧٢) ، ن الکبری/ التفسیر (١١٤٦٤) ، سنن ابن ماجہ/الدعاء ١ (٣٨٢٨) ، (تحفة الأشراف : ١١٦٤٣) ، وقد أخرجہ : مسند احمد (٤/٢٧١، ٢٧٦) (صحیح ) وضاحت : ١ ؎ : دعا جب عبادت ہے تو غیر اللہ سے دعا کرنا شرک ہوگا، کیونکہ عبادت و بندگی کی جملہ قسمیں اللہ ہی کو زیب دیتی ہیں۔