ابوہریرہ (رض) سے روایت ہے کہ رسول اللہ ﷺ نے فرمایا : تم میں سے ہر ایک کی دعا قبول کی جاتی ہے جب تک وہ جلد بازی سے کام نہیں لیتا اور یہ کہنے نہیں لگتا کہ میں نے تو دعا مانگی لیکن میری دعا قبول ہی نہیں ہوئی ١ ؎۔ تخریج دارالدعوہ : صحیح البخاری/الدعوات ٢٢ (٦٣٤٠) ، صحیح مسلم/الذکر والدعاء ٢٥ (٢٧٣٥) ، سنن الترمذی/الدعوات ١٢ (٣٣٨٧) ، سنن ابن ماجہ/الدعاء ٨ (٣٨٥٣) ، (تحفة الأشراف : ١٢٩٣٠) ، وقد أخرجہ : موطا امام مالک/القرآن ٨ (٢٩) ، مسند احمد (٢/٤٨٧، ٣٩٦) (صحیح ) وضاحت : ١ ؎ : دعا میں جلد بازی بےادبی ہے، اور اس کا نتیجہ محرومی ہے۔