اسماء بنت عمیس (رض) کہتی ہیں کہ مجھ سے رسول اللہ ﷺ نے فرمایا : کیا میں تمہیں چند ایسے کلمات نہ سکھاؤں جنہیں تم مصیبت کے وقت یا مصیبت میں کہا کرو الله الله ربي لا أشرک به شيئًا یعنی اللہ ہی میرا رب ہے، میں اس کے ساتھ کسی کو شریک نہیں کرتی ۔ ابوداؤد کہتے ہیں : ہلال، عمر بن عبدالعزیز کے غلام ہیں، اور ابن جعفر سے مراد عبداللہ بن جعفر ہیں۔ تخریج دارالدعوہ : سنن النسائی/ الیوم واللیلة (٦٤٧، ٦٤٩، ٦٥٠) ، سنن ابن ماجہ/الدعاء ١٧ (٣٨٨٢) ، (تحفة الأشراف : ١٥٧٥٧) ، وقد أخرجہ : مسند احمد (٦/ ٣٦٩) (صحیح) (الصحيحة 2755 وتراجع الألباني 119 )