ام المؤمنین عائشہ (رض) کہتی ہیں کہ نبی اکرم ﷺ نے ان کا بوسہ لیا اور وضو نہیں کیا۔ ابوداؤد کہتے ہیں : اسے فریابی وغیرہ نے بھی اسی طرح روایت کیا ہے۔ ابوداؤد کہتے ہیں : یہ مرسل ہے، ابراہیم تیمی کا ام المؤمنین عائشہ (رض) سے سماع ثابت نہیں ہے۔ ابوداؤد کہتے ہیں : ابراہیم تیمی ابھی چالیس برس کے نہیں ہوئے تھے کہ ان کا انتقال ہوگیا تھا، ان کی کنیت ابواسماء تھی۔ تخریج دارالدعوہ : سنن النسائی/الطھارة ١٢١ (١٧٠) ، (تحفة الأشراف : ١٥٩١٥) ، وقد أخرجہ : سنن الترمذی/الطھارة ٦٣ (٨٦) ، سنن ابن ماجہ/الطھارة ٦٩ (٥٠٢) ، مسند احمد (٦/٢١٠) (صحیح) (اگلی حدیث سے تقویت پاکر صحیح ہے ورنہ خود یہ سند منقطع ہے جیسا کہ مؤلف نے بیان کیا ہے )