عبداللہ بن عمر (رض) کہتے ہیں کہ رسول اللہ ﷺ نحر کے روز (دسویں ذی الحجہ کو) حجۃ الوداع میں جمرات کے درمیان کھڑے ہوئے اور لوگوں سے پوچھا : یہ کون سا دن ہے ؟ ، لوگوں نے جواب دیا : یوم النحر، آپ ﷺ نے فرمایا : یہی حج اکبر کا دن ہے ١ ؎۔ تخریج دارالدعوہ : صحیح البخاری/ الحج ١٣٢ (١٧٤٢ تعلیقًا) ، سنن ابن ماجہ/المناسک ٧٦ (٣٠٥٨) ، ( تحفة الأشراف : ٨٥١٤) (صحیح ) وضاحت : ١ ؎ : یعنی قرآن مجید میں جو يوم الحج الأكبر آیا ہے اس سے مراد یوم نحر ہی ہے، حج کو حج اکبر کہا جاتا ہے اور عمرہ کو حج اصغر، اور وہ جو عوام میں مشہور ہے کہ ” جمعہ کے دن یوم عرفہ پڑے تو حج اکبر ہے “ تو یہ بات بےدلیل اور بےاصل ہے۔