مقداد بن اسود (رض) کہتے ہیں کہ علی (رض) نے انہیں رسول اللہ ﷺ سے (اپنے لیے) یہ مسئلہ پوچھنے کا حکم دیا کہ اگر کوئی شخص اپنی بیوی کے پاس جائے اور مذی نکل آئے تو کیا کرے ؟ (انہوں نے کہا) چونکہ میرے نکاح میں رسول اللہ ﷺ کی صاحبزادی (فاطمہ رضی اللہ عنہا) ہیں، اس لیے مجھے آپ سے یہ مسئلہ پوچھنے میں شرم آتی ہے۔ مقداد (رض) کہتے ہیں : تو میں نے جا کر پوچھا، تو آپ ﷺ نے فرمایا : جب تم میں سے کوئی اسے پائے تو اپنی شرمگاہ کو دھو ڈالے اور وضو کرے جیسے نماز کے لیے وضو کرتا ہے ۔ تخریج دارالدعوہ : سنن النسائی/الطہارة ١١٢ (١٥٦) ، سنن ابن ماجہ/الطہارة ٧٠ (٥٠٥) ، (تحفة الأشراف : ١١٥٤٤) ، وقد أخرجہ : سنن الترمذی/الطہارة ٨٣ (١٥٦) ، موطا امام مالک/الطہارة ١٣ (٥٣) ، مسند احمد (٦/٤، ٥) (صحیح )